Sede Xudicial Electrónica

Segundo a normativa vixente, teñen dereito á prestación da asistencia xurídica gratuíta:

• As persoas españolas, as nacionais dos demais Estados Membros da Unión Europea e, e as extranxeiras que se atopen en España, cando acrediten insuficiencia de recursos para litigar.
• As entidades xestoras e servizos comúns da Seguridade Social.
• As seguintes persoas xurídicas cando acrediten insuficiencia de recursos para litigar:
  • Asociacións de utilidade pública, previstas no artigo 32 da Lei Orgánica 1/2002, do 22 de marzo, reguladora do dereito de asociación
  • Fundacións inscritas no rexistro administrativo correspondente.
• Na orde social, as persoas traballadoras e beneficiarias do sistema de seguridade social, tanto para a defensa en xuízo coma para o exerciciode acción para a efectividade dos dereitos laborais nos procedementos concursais. Así mesmo, o dereito á asistencia xurídica gratuíta recoñécese ás persoas traballadoras e beneficiarias da seguridade social para os litixios que sobre esta materia se tramiten ante a orde contencioso-administrativa.
• Na orde Contencioso-Administrativo, así como na vía administrativa previa, as persoas estranxeiras que acrediten insuficiencia de recursos para litigar terán dereito á asistencia letrada e á defensa e representación gratuíta nos procedementos que poidan levar á denegación da súa entrada en España, á súa devolución ou expulsión do territorio español e en todos os procedementos en materia de asilo.
• Nos litixios transfronteirizos en materia civil e mercantil, as persoas físicas contempladas no Capítulo VIII da Lei 1/1996, do 10 de xaneiro, de asistencia xurídica gratuíta, nos termos que nel se establecen.