Sede Xudicial Electrónica

DICIREG (DIgital CIvil REGistry),é unha plataforma que facilita a xestión de forma centralizada dos rexistros civís municipais, dos rexistros delegados nas oficinas de xustiza nos municipios e do rexistro civil central (oficinas xerais de rexistro, rexistros municipais delegados e rexistro civil central respectivamente) segundo a Lei 20/2011, do 21 de xullo.

Permite o rexistro das solicitudes, a tramitación dos expedientes, a interoperabilidade cos axentes externos, a entrada de documentación en formato electrónico e, en xeral, é a base que soporta a operativa necesaria para resolver os asuntos do Rexistro Civil de maneira integral.

Tamén facilita a transmisión masiva dos datos de utilidade pública aos organismos públicos que teñan interese neles, con pleno respecto aos límites legais sobre publicidade restrinxida, á protección dos datos persoais e ao dereito á intimidade persoal e familiar. 

Con DiciReg impleméntase un rexistro electrónico adaptado ao novo modelo do Rexistro Civil, en cumprimento da Lei 20/2011, do 21 de xullo, que se caracteriza, principalmente, por ser público, gratuíto, único para toda España e que se configura como electrónico e interoperable. 

O sistema DiciReg irase implantando progresivamente. Podes consultar o estado da implantación na seguinte listaxe: 

• Listaxe das entidades locais galegas con rexistro civil nas que está operativa a aplicación Dicireg

Requisitos de acceso ao servizo

• Conexión a Internet
• Navegador compatible: 
  • Microsoft Edge: V 89.0.774.
  • Google Chrome: V 89.0.4389.90, V 89.0.4389.114, V 89.0.4389.128 ou V 90.0.4430.72.
  • Mozilla Firefox: V 41.0.2.
• Certificado electrónico
• Lector de documentos PDF Acrobat Reader 7 ou superior
• Impresora
• Escáner

Solicitude de acceso ao servizo

A entrada en servizo efectiva desta aplicación nun rexistro civil acórdase mediante resolución da Dirección General de Seguridad Jurídica y Fe Pública do Ministerio de Justicia.

Acceda a DiciReg desde aquí: DiciReg