Sede Xudicial Electrónica
Tribunal do xurado
Participación no tribunal do xurado
As principais fases da participación dun/ha cidadán/á nun tribunal do xurado, desde o momento no que foi seleccionado, son:
- Recepción da documentación
- Constitución do tribunal do xurado
- Celebración do xuízo
- Deliberación
- Veredicto
A participación como xurado será retribuída e indemnizada na forma e contía que se regula no Real Decreto 385/1996, do 1 de marzo, polo que se establece o réxime retributivo e de indemnización do desempeño das funcións de xurado.
Segundo a última actualización, aprobada polo Acordo do Consello de Ministros do 14 de xullo de 2006, a retribución diaria ascende a 67 euros. Os gastos de aloxamento e manutención, no caso de que fose necesario, ascenden a 65,97 euros o aloxamento e a 18,70 a comida e a cea.
