Sede Xudicial Electrónica
Potestades da avogado de oficio
"A avogada ou avogado de oficio, unha vez que foi designada/o, deberá comunicar á comisión de asistencia xurídica gratuíta se considera que a pretensión é insostible, dentro do prazo legal establecido"
A avogada ou avogado de oficio, unha vez que foi designada/o, deberá comunicar á comisión de asistencia xurídica gratuíta se considera que a pretensión é insostible, dentro do prazo legal establecido e expoñendo os motivos xurídicos nos que fundamenta a súa decisión.
Tamén poderá solicitar a documentación que considere necesaria para avaliar a pretensión. Mentres transcorra o prazo para presentar a documentación, o prazo establecido para comunicar a insostibilidade da pretensión á comisión quedará interrompido.
Se a persoa interesada non presenta a devandita documentación no prazo outorgado, a comisión arquivará a solicitude. Se a persoa interesada presenta a documentación, esta achegarase ao avogada/o para que este analice a viabilidade da pretensión.
A declaración de insostibilidade ou inviabilidade da pretensión tamén poderá realizarse en vía de recursos contra resolucións que puxesen fin ao proceso na instancia correspondente.
Na orde penal e respecto das persoas condenadas non caberá formular insostibilidade da pretensión.
Insostibilidade ou sostibilidade da pretensión
Se a avogada ou avogado de oficio formulou a insostibilidade da pretensión, a comisión solicitará do colexio de avogados un ditame sobre a viabilidade. Se o ditame coincide coa declaración de insostibilidade informada pola avogada ou avogado de oficio designada/o, solicitarase un informe fundado do Ministerio Fiscal.
En caso de que o colexio de avogadas/os e o Ministerio Fiscal considerasen indefendible a pretensión, a comisión de asistencia xurídica gratuíta resolverá a desestimación da solicitude. No suposto de que se considerase defendible a pretensión, procederase ao nomeamento dunha segunda avogada ou avogado. Os ditames emitidos polo colexio de avogadas/os e polo Ministerio Fiscal serán achegados á nova avogada ou avogado, para quen será obrigatoria a defensa.
Ligazóns relacionadas
Para saber máis...
- Constitución española
- Lei 1/1996, do 10 de xaneiro, de asistencia xurídica gratuíta
- Decreto 269/2008, do 6 de novembro, polo que se aproba o Regulamento de asistencia xurídica gratuíta de Galicia
- Orde do 18 de setembro de 2001 pola que se desenvolve o Decreto 146/1997, de 22 de maio, polo que se aproba o Regulamento de asistencia xurídica gratuíta da Comunidade Autónoma de Galicia
- Orde do 9 de decembro de 2003 pola que se desenvolve o Decreto 146/1997, de 22 de maio, polo que se aproba o Regulamento de asistencia xurídica gratuíta da Comunidade Autónoma de Galicia
- Lei Orgánica 4/2000, do 11 de xaneiro, sobre dereitos e liberdades dos estranxeiros en España e a súa integración social, modificada pola Lei orgánica 8/2000, do 22 de decembro
