Sede Xudicial Electrónica
Institucións do dereito civil galego
Dereitos das persoas
Protección de menores
A Xunta de Galicia exercerá, a través do organismo competente, a protección das persoas menores que residan ou se encontren en Galicia, adoptando diferentes medidas en materia de desamparo, tutela e garda administrativa, medidas de protección do menor, acollemento, etc. que garantan e fagan respectar os diferentes dereitos de todos os menores que residan en Galicia.
Adopción
O dereito civil galego establece diferentes medidas sobre as persoas que poden adoptar e ser adoptadas e sobre a constitución e eficacia da adopción.
Autotutela
En previsión dunha eventual incapacidade, calquera persoa maior de idade poderá designar en escritura pública a persoa ou persoas, físicas ou xurídicas, para que exerzan o cargo de titor. Do mesmo modo, poderá nomear substitutos dos designados para exercer a tutela e excluír determinadas persoas para o cargo.
Situación de ausencia non declarada
Atópanse en situación de ausencia non declarada a persoa cuxo paradoiro se ignora ou aquela que non pode localizarse de modo transitorio.
A situación de ausencia efectiva do domicilio habitual poderá acreditarse mediante acta de notoriedade tramitada por notario hábil, na cal se fará constar a persoa á que corresponde a representación e defensa dos intereses do ausente.
Para saber máis...
- Constitución española
- Lei Orgánica 1/1981, do 6 de abril, Estatuto de Autonomía de Galicia
- Lei 2/2006, do 14 de xuño, de dereito civil de Galicia
- Lei 3/1997, do 9 de xuño, galega da familia, da infancia e da adolescencia
- Lei 4/2001, do 31 de maio, reguladora da mediación familiar
- Lei 5/2005, do 25 de abril, reguladora do recurso de casación en materia de dereito civil de Galicia
