Sede Xudicial Electrónica

Portal Xustiza
Transferencia tecnolóxica a outras CC.AA.

Preguntas frecuentes


Como solicito a alta no grupo de TT de eFidelius?

Cubrindo e enviando un formulario de solicitude de alta asinado polo responsable da administración pública solicitante ao correo que se indica no propio modelo, indicando o responsable ao que se lle deberán proporcionar os datos precisos para o acceso ás descargas.

A alta no grupo implica a instalación de eFidelius?

Non, a alta no grupo permite o acceso ás descargas relacionadas coa aplicación, así como a inclusión do correo do usuario responsable na listaxe de difusión das novidades da aplicación.

Que requisitos técnicos require a instalación de eFidelius?

Para a instalación de eFidelius 3.2.0.9 deberán terse en conta os seguintes requisitos técnicos:

  • Central / Sede: Windows Server 2019 ou 2022.
  • Sala: Windows 10 Professional ou Windows 11 Professional de 64 bits.
  • Equipamento de sala: deberán empregarse os equipos e dispositivos recollidos no documento de Equipos Certificados vixente.
  • Postos de sinatura: os equipos dos letrados e os demais postos desde os que se realicen sinaturas deberán dispoñer da aplicación DesktopUtil.

Apache Tomcat 9.0.65, MySQL Community Server 8.0 e Java JRE 1.8.0.202 incorpóranse coa instalación de eFidelius. Non é necesario telos instalados previamente, pero os equipos deben poder executalos. Nas versións 3.x emprégase Tomcat en lugar de JBoss.
Antes da instalación deberá comprobarse que a infraestrutura e o equipamento cumpren coa documentación técnica asociada á versión.

Que actuacións se realizaron nas salas e sedes de Galicia durante a implantación?

A implantación de eFidelius 3.2.0.9 acompañouse de actuacións de estabilización e adaptación da infraestrutura:

  • Salas: actualización dos compoñentes AVObjects/WebRTC para manter a compatibilidade con Microsoft Edge e recuperar a visualización durante a gravación e a monitorización remota.
  • Sedes: ampliación da capacidade de CPU nos servidores que o precisaban e tarefas de compactación, purgado e mantemento das táboas de estatísticas para mellorar os tempos de resposta.
  • Sincronización: activación progresiva da sincronización de sinalamentos e seguimento das incidencias de integración.

Estas actuacións deben valorarse segundo a infraestrutura, a carga e as necesidades de cada administración.

Que versión de eFidelius se distribúe no marco da nova transferencia tecnolóxica?

A versión de referencia para a nova transferencia tecnolóxica é eFidelius 3.2.0.9. As administracións que dispoñan de versións anteriores deberán planificar a actualización de acordo coa documentación de instalación, actualización e compatibilidade asociada á versión.

A arquitectura de eFidelius presenta tres niveis?

Si. eFidelius mantén unha arquitectura organizada en tres niveis: Sala, Sede Xudicial e Central. Esta distribución permite separar as funcións de gravación, xestión e centralización e favorece a continuidade do servizo ante incidencias de conectividade entre os distintos niveis.

Que é a estrutura procesual necesaria para a instalación de eFidelius?

eFidelius utiliza unha estrutura procesual versionada que define os elementos organizativos e procesuais necesarios para o funcionamento da aplicación. O paquete de estrutura procesual distribúese de forma independente e pode actualizarse sen necesidade de cambiar a versión de eFidelius, sempre de acordo coa compatibilidade indicada na documentación da versión. A estrutura procesual proporcionada por Galicia está aliñada coa Lei 1/2025.

Cales serán as próximas novidades de eFidelius?

A próxima evolución, eFidelius 3.2.0.10, incorpora a adaptación da xestión de certificados a KSP e a corrección do acceso con tarxeta física Camerfirma a través de @firma. Inclúe tamén melloras na estabilidade do audio das gravacións MP4, coa ampliación de 2 a 4 GB da memoria dispoñible para o proceso de captura, optimizacións nas conexións e no consumo de memoria das bases de datos e correccións na sincronización de procedementos DPA e nos servizos web de integración.