Conexión á rede wifi

A conexión á rede sen fíos fai posible o acceso a Internet sen necesidade de empregar a conexión por cable ou a súa propia conexión de datos.

Poderá establecer a conexión á rede RCXG-Externos mediante o certificado da FNMT ou o DNIe. Se non dispón de ningún destes dous métodos de validación, pode solicitar a creación automática dun usuario de acceso dende a rede RCXG-Convidados e logo conectarse a RCXG-Externos.

Ten á súa disposición varias guías rápidas para establecer a conexión de xeito áxil, así como un listado de manuais específicos nos que tamén poderá consultar como establecer a conexión máis detalladamente dependendo do seu sistema operativo (Windows, Ubuntu, MacOS, ChromeOS, Android e iOS).