Notas informativas

03/12/2018 19:10

O xulgado finaliza a investigación sobre o accidente do Alvia e dirixe a causa contra o maquinista e un cargo de ADIF

  • O maxistrado acorda que o procedemento se siga contra o condutor do tren e o director de Seguridade na Circulación de ADIF no momento de posta en funcionamento da liña
  • O xuíz instrutor entende que hai indicios para consideralos culpables de oitenta delitos de homicidio e 144 de lesións por imprudencia grave profesional
02/02/2018 19:30

O xuíz chama a declarar en calidade de investigados na causa do Alvia a dous responsables de seguridade de ADIF no momento do accidente

O titular do Xulgado de Instrución  nº3 de Santiago acordou chamar a declarar a dúas novas persoas en calidade de investigados na causa que se segue polo accidente do tren Alvia.

28/06/2017 14:57

A Audiencia confirma a decisión do xuíz do Alvia de dirixir a investigación contra o exdirector de Seguridade de ADIF

A Sección Sexta da Audiencia Provincial da Coruña, con sede en Santiago, desestimou os recursos de apelación presentados contra o auto do xuíz instrutor no que se acorda dirixir a investigación polo accidente do tren Alvia contra o director de Seguridade na Circulación de ADIF na data de posta en funcionamento da liña onde se produciu o sinistro. Os recursos de apelación foron presentados polo propio directivo investigado e ADIF.

27/06/2017 14:56

O xuíz do caso Alvia acorda que non procede o sobreseimento da causa solicitado por ADIF

O Xulgado de Instrución nº3 de Santiago notificou hoxe un auto no marco da investigación polo accidente do tren Alvia no que se acorda "que non procede o sobresemento da causa" interesado pola representación procesual de ADIF e o director de Seguridade na Circulación da entidade na data de posta en funcionamento da liña, investigado na causa.

13/03/2017 15:12

O xuíz do Alvia cita como investigado ao director de Seguridade na Circulación de ADIF en 2013

Para o instrutor quedou evidenciado que a análise integral de risco, previa á posta en funcionamento da liña, era necesaria, e que a mesma, "sendo preceptiva, non se fixo".

27/05/2016 12:32

A Audiencia Provincial da Coruña ordena reabrir a instrución polo accidente do Alvia

A Sala conclúe que o xulgado debe seguir investigando para aclarar diversos aspectos expostos nas periciais, en concreto a existencia de risco de accidente na curva.

15/01/2016 13:56

O Xulgado desestima os recursos presentados contra o peche da instrución no caso do Alvia

As partes teñen agora cinco días para presentar recurso de apelación ante a Audiencia Provincial da Coruña.

07/10/2015 14:57

O Xulgado pecha a instrución do caso Alvia co maquinista do tren como único imputado

O xuíz sostén que as dilixencias practicadas permiten concluír que a “causa directa, inmediata e que decididamente desencadeou o accidente foi o exceso de velocidade”

08/10/2014 13:49

A Audiencia levanta as imputacións contra os doce cargos de Adif polo accidente do Alvia

Os maxistrados conclúen que o risco non superaba os niveis en que "se ha de considerar permitido".