Novas
11/05/2022 18:07
A petición de aprazamento de tres letrados obriga a pospoñer o inicio do xuízo do Alvia ao 5 de outubro
- Os avogados acreditaron a coincidencia de datas con outras vistas sinaladas con anterioridade, o que provocou que se refaga o calendario
- Na vista oral, que estaba prevista para o 20 de setembro, intervirán máis de 700 testemuñas e peritos
25/04/2022 13:15
O xulgado propón que a vista oral polo accidente do tren Alvia comece o 20 de setembro
- Este ano celebrarase a parte penal e, a partir de xaneiro de 2023, terá lugar a acción civil
- A proba testifical finalizará en maio e, a partir do 30 dese mes, realizaranse as conclusións e os informes
- Nas sesións está prevista a intervención de 494 testemuñas, 193 peritos e 21 testemuñas-peritos
- As partes, ás que a maxistrada pide máxima dispoñibilidade, debido á complexidade da organización do xuízo, teñen cinco días para xustificar as causas que, no seu caso, imposibiliten seguir o calendario
22/07/2021 13:46
O exdirector de Seguridade na Circulación de ADIF e o maquinista serán xulgados polo accidente do tren Alvia
- O instrutor acordou a apertura de xuízo oral, que será celebrado polo Xulgado do Penal número 2 de Santiago
- O maxistrado require aos investigados e, no seu caso, ás aseguradoras, para que presten unha fianza de máis de 57 millóns para facer fronte a posibles indemnizacións
- A Fiscalía solicita para cada un dos dous acusados catro anos de cárcere e que sexan inhabilitados, durante o mesmo período, para o desempeño das súas profesións
09/04/2021 13:54
A Audiencia confirma o peche da investigación do Alvia co maquinista e o exdirector de Seguridade na Circulación de ADIF como investigados
O tribunal asegura que hai “terminantes e plurais indicios” de que a causa do accidente foi o exceso de velocidade
Os xuíces entenden que existía “un risco especial de descarrilamento” que non foi “percibido e atendido por ADIF”
11/12/2020 09:27
O Xulgado rexeita os recursos contra o peche da investigación do accidente do Alvia
O Xulgado de Instrución número 3 de Santiago rexeitou os recursos de reforma interpostos contra o auto que ditou a finais do mes de setembro e no que dá por pechada a investigación do accidente do tren Alvia, sucedido o 24 de xullo de 2013.
22/09/2020 10:08
O Xulgado pecha a instrución do Alvia e dirixe a causa contra o maquinista e o exdirector de Seguridade na Circulación de ADIF
O Xulgado de Instrución número 3 de Santiago pechou de novo a investigación do accidente do tren Alvia ocorrido o 24 de xullo de 2013 na capital galega.
31/07/2020 17:25
O xuíz instrutor do caso Alvia acorda requirir un novo informe ao perito xudicial encargado do exame do material rodante
Quere que o experto aclare se os defectos denunciados “en caso de existir e non ter sido reparados, puideron ter algunha incidencia causal no accidente” ferroviario.
12/11/2019 19:10
A Audiencia reabre a instrución sobre o accidente do Alvia
- A Audiencia decretou o retorno do proceso á fase de dilixencias previas de investigación para a indagación dos feitos expostos pola Plataforma Vítimas Alvia 04155