Información para as persoas prexudicadas polo accidente ferroviario de Santiago de Compostela

Estado actual de tramitación do procedemento

O Xulgado de Instrución número 3 de Santiago pechou de novo a finais de setembro de 2020 a investigación do accidente (dilixencias previas 4069/2013). Mantén que a causa se siga contra o maquinista do tren e o director de Seguridade na Circulación de ADIF no momento de posta en funcionamento da liña por se os feitos que lles imputa fosen constitutivos de oitenta delitos de homicidio e de 144 de lesións, ambos cometidos por imprudencia grave profesional. Varias partes presentaron recurso contra o auto que acorda a continuación das dilixencias previas polos trámites do procedemento abreviado e no que ordena que se dea traslado ao Ministerio Fiscal e ás acusacións particulares personadas para que formulen escrito de acusación, solicitando a apertura de xuízo oral ou ben o sobresemento da causa.

Contactos

Xulgado de Instrución número 3 de Santiago de Compostela
Información a prexudicados:
Teléfono do xulgado: 981 540 432
Correo electrónico: accidentesantiago@poderjudicial.es

Fiscalía de Área de Santiago de Compostela
Teléfonos: 981 540 384 / 981 540 385 / 981 571 423

Outros contactos de interese:

• Renfe.
  Teléfono: 900 101 660.
  Páxina web de información.
  Correo electrónico: alviasantiago@renfe.es
• Compañía aseguradora do Seguro Obrigatorio de Viaxeiros: Allianz Seguros.
  Teléfono de asistencia: +34 91 325 55 96.
  Call Center de Allianz Atención ao Cliente: 902 300 186
• Compañía aseguradora do Seguro de Responsabilidade Civil de Renfe: QBE Insurance (Europa) Limited, Sucursal en España.
  Teléfono de asistencia: + 34 91 789 39 50